Hugsanlegt er að ensk lið leiki til úrslita í Meistaradeild Evrópu í knattspyrnu en þau voru ekki dregin saman í átta liða úrslitum í dag.
Eins og greint hefur verið frá mætir Liverpool PSV Eindhoven frá Hollandi og mætir sigurvegarinn úr þeirri rimmu annaðhvort Chelsea eða Valencia frá Spáni í undanúrslitum. Það gæti því farið svo að tvö ensk lið mættust í undanúrslitum.
Í átta liða úrslitum mætast einnig Manchester United og Roma en sigurvegarinn úr þeirri viðureign mætir annaðhvort Milan eða Bayern München í undanúrslitum. Það gæti því farið svo að annaðhvort Liverpool eða Chelsea mætti Manchester United í úrslitaleik Meistaradeildarinnar sem fram fer í Aþenu 23. maí næskomandi.
