Segja þúsundir eiga mikið undir álveri í Straumsvík

Samtökin Hagur Hafnarfjarðar sem berjast fyrir stækkun álvers í Straumsvík voru kynnt í dag en þau telja að einhliða og villandi áróður hafi verið rekinn gegn álversstækkun. Talsmaður samtakanna krefst þess að stjórnmálamenn í Hafnarfirði gefi upp afstöðu sína til málsins og bendir á að þúsundir Hafnfirðinga sæki lifibrauð sitt með beinum eða óbeinum hætti til álversins.

Samtökin Hagur Hafnarfjarðar berjast fyrir því að íbúar í bænum kjósi með stækkun álvers í Straumsvík í lok mars. Að stofnun samtakana standa fyrirætki og einstaklingar sem eiga í viðskiptum við álverið - en Alcan á þar hvergi beinan hlut að máli, að sögn forsvarsmanna.

Talsmaður Hags Hafnarfjarðar telur víst að álverinu verði lokað eftir sjö ár ef ekki komi til stækkunar.