Lögreglan á höfuðborgarsvæðinu tók ökumann á þrítugsaldri í ofsaakstri um klukkan hálf eitt í nótt á Hringbraut á móts við Bjarkargötu. Hann mældist á hundrað þrjátíu og þriggja kílómetra hraða en hámarkshraði á þessum stað er 50 kílómetrar. Hann var sviptur ökuskírteininu á staðnum.
Þá var í nótt tilkynnt um bifreið utan vegar á móts við Silfurtún í Hafnarfirði í nótt en skömmu áður hafði lögreglu borist ábending um ofsaakstur á þessari sömu bifreið. Ökumaðurinn var um tvítugt og er grunaður um ölvunarakstur. Hann gistir enn fangageymslur lögreglunnar. Þær eru annars hálfsetnar eftir eril næturinnar en að sögn varðstjóra var nokkurt ölvunarástand í bænum í nótt.
