Lamaður á motocrosshjóli

Það má með sanni segja að hinn 19 ára gamli Ricky James sé algjör hetja. Ricky lenti í hræðilegu slysi fyrir rúmum tvem árum þegar hann var að keppa í motocrossi í Lake Whitney. Ricky var í fyrsta sæti á sínum fyrsta hring í fjórða moto-i helgarinnar þegar keppinautur hans misreiknaði sig í stökki og stökk beint inn í hliðina á Ricky og sendi hann "fljúgandi" lengst út fyrir braut.

"Krassið" var hrikalegt, bakið á Ricky brotnaði og hryggjaliðir brotnuðu. ,,Það fyrsta sem ég hugsaði meðan ég lá þarna var að ég myndi aldrei geta hjólað aftur og við það brást ég í grát" sagði Ricky í viðtali við "Transworldmotocross". Nú eru rúm tvö ár síðan slysið átti sér stað og hefur Ricky svo sannarlega ekki gefist upp. "Hetjan" er byrjuð aftur að hjóla, já lamaður fyrir neðan bringubein. Ricky hefur engan möguleika á að labba aftur en hann lætur það ekki koma í veg fyrir að hann hjóli. Faðir hans og frændi smíðuðu aukabúnaði á hjólið hans Ricky svo hann ætti auðveldara með að hjóla á því.

Fyrst af öllu var keypt Honda CRF 250X útaf rafstartinu og því breytt í "crosshjól". Sett var í það Rekluse kúpplingu, rafskiptir, afturbremsu í stýrið, breiðara sæti, öryggisbelti og öryggisgrind svo eitthvað sé nefnt. Ricky hjólar á hverjum degi og verður hraðari með hverjum deginum sem líður. Svo má til gamans geta að áður en Ricky lamaðist var hann að vinna menn á borð við Ryan Villipoto í motocrossi.

Þá má svo sannarlega líta upp til hetjunnar Ricky James.