Breskir læknar vilja sérstök meðferðarúrræði fyrir börn með áfengissýki. Börn allt niður í 12 ára aldur eru greind sem alkahólistar. Þetta kemur fram í breska dagblaðinu The Independent.
Vaxandi áhyggjur eru í Bretlandi vegna mikillar áfengisdrykkju. Aldrei hafa jafn margir unglingar frá tólf ára aldri þurft læknisaðstoð vegna hliðarverkana áfengisdrykkju.
Rannsókn blaðsins leiðir í ljós að þúsundir ungmenna fá meðferð á sjúkrahúsum árlega vegna áfengiseitrunar, lifrasjúkdóma og geðrænna vandamála vegna drykkju.
Læknar segja skorpulifur nú koma í ljós hjá unglingum. Það kalli á sérstök meðferðarúrræði fyrir þennan aldurshóp.
