Sjö bréfasprengjur sendar í Lundúnum

Breska lögreglan segir að sjö bréfasprengjur hafi verið sendar þar í landi undanfarnar þrjár vikur, og hvetur fólk til þess að gæta sín í umgengni við póst. Þrír hafa slasast af bréfasprengjum í þessari viku, en ekki hefur verið skýrt opinberlega frá hinum fjórum fyrr en núna.

Sprengjurnar sem komu í þessari viku hafa allar verið sendar til opinberra stofnana sem hafa á einhvern hátt tengst bílum. Ein var til dæmis send til fyrirtækis sem framleiðir hraðamyndavélar fyrir lögregluna. Ekki hefur verið upplýst hvort hinar fjórar sprengjurnar hafi farið til svipaðra fyrirtækja.