Framkvæmdastjóri Strætó bs. lætur af störfum

Ásgeir Eiríksson hefur ákveðið í samráði við stjórn byggðasamlagsins að láta af störfum sem framkvæmdastjóri Strætó bs. Þetta kom fram í fréttatilkynningu sem Strætó bs. sendi frá sér í dag.

Þegar Ásgeir tók við sem framkvæmdastjóri Strætó, í kjölfar stofnunar fyrirtækisins fyrir fimm og hálfu ári var hans fyrsta verk var að sameina í eitt, þau fyrirtæki sem sinntu almenningssamgöngum á höfuðborgarsvæðinu. Að því loknu tók við heildarendurskoðun leiðakerfisins fyrir allt höfuðborgarsvæðið, sem lauk í mars 2006. Nýtt og skilvirkt leiðakerfi hefur orðið til þess að farþegum Strætó hefur nú fjölgað í fyrsta skipti frá stofnun fyrirtækisins.