Beyonce, Scarlett Johansson og David Beckham eru ný andlit Disney fyrirtækisins í herferð þess „Ár hinna milljón drauma." Stjörnurnar tóku að sér hlutverk frægra sögupersóna úr Disney sögum og ljósmyndarinn heimsfrægi, Anne Leibovitz, tók myndirnar.
David Beckham var Filipp prins úr Þyrnirós, Scarlett Johansson var Öskubuska og Beyonce var Lísa í Undralandi. Kóróna Scarlett á myndinni kostar 11,5 milljónir íslenskra króna. Disney hefur þegar beðið Leibovitz um að taka fleiri slíkar myndir af frægum einstaklingum. Myndirnar verða meðal annars sýndar í tímaritunum Vanity Fair, GQ og Vogue.
