Klose með þrennu fyrir Bremen

Werder Bremen gaf tóninn af því sem koma skal í stórleiknum gegn Barcelona í Meistaradeildinni á þriðjudag með því að bera sigurorð af Herthu Berlin, 3-1, í þýsku úrvalsdeildinni í dag. Sigurinn fleytir Bremen í toppsæti deildarinnar en Miroslav Klose skoraði öll mörkin.

Klose hefur nú skorað 11 mörk á leiktíðinni og ætti frammistaða hans í dag að veita honum mikið sjálfstraust fyrir leikinn á þriðjudag, þar sem Bremen nægir stig til að komast áfram. Bremen er með einu stigi meira en Schalke á toppi deildarinnar, en Shcalke leikur gegn Nurnberg á morgun og gefur endurheimt toppsætið.

Meistarar Bayern Munchen náði aðeins jafntefli gegn Mönchengladbach á heimavelli sínum í dag og er þremur stigum á eftir Bremen.