Ekki fleiri tilkynningar um falsaða peningaseðla

Ekki hafa borist fleiri tilkynningar um falsaða fimm þúsund króna seðla í umferð, en þær tvær, sem bárust lögreglunni í Reykjavík um helgina. Fréttastofunni er ekki kunnugt um að neinn hafi verið yfirheyrður vegna falsananna, en falsarinn er greinilega sá sami, því sama raðnúmer er á báðum seðlunum. Það getur svo bent til þess að enn fleiri hafi verið prentaðir. Svona fölsunum er yfirleitt reynt að koma í umferð þar sem mikið annríki er, eins og til dæmis á veitingahúsum um helgar.