Methagnaður hjá Air France á öðrum ársfjórðungi

Stærsta flugfélag Evrópu, Air France-KLM, skilaði methagnaði á öðrum ársfjórðungi þessa rekstrarárs, eða sem nemur um 28 milljörðum íslenskra króna. Annar ársfjórðungur í rekstrarári félagsins nær frá júlí til september en hagnaðurinn á því tímabili í fyrra var um 22 milljarðar sem er um fjórðungi minni hagnaður en í ár. Hagnaður Air France-KLM á síðasta rekstrarári nam nærri 70 milljörðum en forsvarsmenn fyrirtækisins búast við að hann aukist töluvert þegar núverandi rekstarári lýkur 31. mars á næsta ári.