Flugvél frá Iceland Express varð að hætta við lendingu í Kaupmannahöfn, í morgun, vegna þess að önnur flugvél var á brautinni sem hún var að lenda á.
Vélin var komin með hjólin niður og var í lokaaðflugi, þegar flugumferðarstjóri tilkynnti um hina vélina og bað Iceland Express að fara annan hring. Flugstjórinn tók þá hjólin upp, hækkaði flugið og flaug einn hring áður en lent var. Engin hætta var á ferðum og farþegarnir hinir rólegustu.
