Lúðvík er búinn að ná öðru sætinu

Lúðvík Bergvinsson er kominn í annað sætið í prófkjöri Samfylkingarinnar í Suðurkjördæmi. Ragnheiður Hergeirsdóttir er fallin niður í fjórða sætið en búið er að telja 4.400 atkvæði. Fjörtíu og sjö atkvæðum munar á Lúðvíki og Ragnheiði í annað sætið. Lúðvík er með 1.341 atkvæði í 1.-2. sætið en Rangheiður er með 1.294 atkvæði í 1.-2. sætið. Róbert Marshall er enn í þriðja sæti með 1.695 atkvæði í 1.-3. sætið en næst á eftir honum kemur Ragnheiður með 1.591 atkvæði í 1.-3. sætið

Þegar búið er að telja 4.400 atkvæði er staðan þessi: Björgvin er með 1.429 atkvæði í 1. sæti. Lúðvík Bergvinsson er í 2. sæti með 1.341 atkvæði í 1-.2. sætið. Róbert Marhall er í 3 sæti með 1.695 atkvæði í 1.-3. sætið. Ragnheiður Hergeirsdóttir er í 4. sæti með 1.867 atkvæði í 1.-4. sætið. Jón Gunnarsson er í 5. sæti með 1.659 atkvæði í 1.-5. sætið. Guðrún Erlingsdóttir er í 6. sæti. Jenný Þórkalta Magnúsdóttir er í 7. sæti.

Samkvæmt reglum prófkjörsins þurfa bæði kynin að skipa að minnsta kosti tvö af fimm efstu sætunum. Miðað við þessar reglur víxlast sæti Jóns og Guðrúnar.