Barnaníðingur á ferðinni?

Lögreglan í Reykjavík leitar að manni, sem er grunaður um að hafa ætlað að beita átta ára stúlku kynferðislegu ofbeldi á sunnudaginn.

Hann lokkaði hana upp í bíl sinn skammt frá Rauðavatni, en vinkona hennar kallaði á eftir henni varnaðarorð og hljóp síðan heim til að láta vita. Maðurinn hefur líklega áttað sig á í hvað stefndi, vegna viðbragða vinkonunnar, því hann sleppti stúlkunni út úr bílnum eftir að hafa ekið stuttan spöl og hvarf á braut. Lögregla lítur málið alvarlegum augum og heldur leitinni áfram.