Framsókn stillir upp í Reykjavíkurkjördæmi norður

Framsóknarmenn í Reykjavíkurkjördæmi norður ákváðu í gær á fundi sínum að stilla upp á lista sinn fyrir komandi Alþingiskosningar. Jón Sigurðsson, formaður Framsóknarflokksins, hefur lýst því yfir að hann vilji leiða listann.

Flokkurinn fékk tvo þingmenn kjörna í kjördæminu í síðustu Alþingiskosningum, þá Halldór Ásgrímsson og Árna Magnússon. Þeir hafa báðir látið af þingmennsku og þau Guðjón Ólafur Jónsson og Sæunn Stefánsdóttir skipa nú þeirra sæti. Hvorugt þeirra hefur gefið neitt út um hvort þau sækist eftir sæti á listanum.

Ekki hefur verið tekin ákvörðun hvernig verður skipað á lista flokksins í Reykjavíkurkjördæmi suður.