Innlent

Reynir nýr deildarforseti viðskiptadeildar á Bifröst

Reynir Kristinsson hefur verið ráðinn deildarforseti viðskiptadeildar Háskólans á Bifröst. Þetta kemur fram í tilkynningu frá skólanum. Reynir hefur á ferli sínum m.a. verið framkvæmdastjóri ParX, IBM Business Consulting Service á Íslandi, PricewaterhouseCoopers og Hagvangs. Reynir hefur jafnframt verið stjórnarformaður CCP, Hagvangs og fleiri fyrirtækja.

 

Reynir Kristinsson er verkfræðingur að mennt frá Tækniháskólanum í Óðinsvéum ásamt því að hafa MBA gráðu frá Háskólanum í Reykjavík. Hann hefur meðal annars sinnt stundakennslu við íslenska háskóla og starfað að ýmsum tímabundum verkefnum, svo sem framkvæmdastjórn stjórnunar- og fjármálasviðs Landsspítlala - háskólasjúkrahúss og sinnt starfi aðstoðarmanns menntamálaráðherra. Reynir tekur við starfinu af Magnúsi Árna Magnússyni sem sagði upp störfum í síðasta mánuði.

Fréttir Innlent

Mest lesið


Fleiri fréttir

Sjá meira


×

Mest lesið