Rooney reifst við dónalegan stuðningsmann

Leikmenn enska landsliðsins fengu að heyra skoðanir stuðningsmanna liðsins þegar þeir gengu inn í rútuna eftir tapleikinn gegn Króötum í gær og fréttir herma að einn þeirra hafi verið einstaklega dónalegur. Wayne Rooney er sagður hafa svarað honum fullum hálsi.

Talsmaður Rooney gaf strax út yfirlýsingu þar sem fram kom að Rooney bæri mikla virðingu fyrir stuðningsmönnum enska liðsins en sagði pistil leikmannsins eingöngu hafa verið beint að einum tilteknum stuðningsmanni sem hafi farið langt yfir strikið í svívirðingum sínum.