Eldur í trésmíðaverkstæði

Slökkvilið höfuðborgarsvæðisins var kallað að trésmíðaverkstæði í Kópavogi rétt fyrir klukkan sjö í morgun. Leigubílstjóri sem átti leið hjá tók eftir að reyk lagði frá húsinu og kallaði til slökkviliðið. Þegar það kom á staðinn var mikill reykur í húsinu og töluverður eldur. Nokkuð vel gekk að slökkva eldinn sem var staðbundinn en hann var ofan á vörubílspalli. Ekki urðu miklar skemmdir á húsnæðinu fyrir utan smá sót- og vatnskemmdir. Um klukkustund tók að slökkva eldinn.