Framkvæmdastjórn fyrir rektor til mánaðamóta

Framkvæmdastjórn Háskólans í Reykjavík mun sinna verkefnum Guðfinnu Bjarnadóttur rektors fram til mánaðamóta. Þetta var tilkynnt á fundi rektors með starfsmönnum skólans í dag, en háskólaráð hefur veitt Guðfinnu launalaust leyfi til októberloka, á meðan hún tekur þátt í prófkjöri Sjálfstæðisflokksins í Reykjavík.

Bjarni Ármannsson, formaður háskólaráðs, segir enga ákvörðun um framtíðarstöðu Guðfinnu innan skólans liggja fyrir, það mál verði skoðað þegar hún komi aftur úr leyfi.