Leikmenn ráða engu um leikaðferð liðsins

Steve McClaren, landsliðsþjálfari Englendinga, segir að enska landsliðið spili nákvæmlega eins og hann vill gegn Makedóníu á morgun, en fregnir höfðu borist af því í morgun að leikmenn liðsins hefðu mótmælt því að þjálfarinn ætlaði að spila 3-5-2 gegn Makedóníu.

"Við höfum ekki ákveðið að breyta einu eða neinu - og það er ég sem vel liðið og leikaðferðir hverju sinni," sagði McClaren argur á blaðamannafundi í dag, en hann viðurkenndi að hafa prófað sig áfram með leikaðferðina 3-5-2 á æfingum í gær.