Shevchenko er marki frá því að springa út

Jose Mourinho hefur nú enn á ný tekið upp hanskann fyrir 30 milljón punda fjárfestingu Chelsea í sumar, úkraínska framherjann Andriy Shevchenko. Mourinho segir hann vinna vel fyrir liðið og bendir á að það sé aðeins tímaspursmál hvenær hann springi út og fari að skora grimmt.

"Hann vantar bara eitt mark til að efla sjálfstraustið. Hann spilaði mjög vel gegn Aston Villa, hann tók menn á og er óðum að komast í form. Ekki má gleyma að hann vinnur vel fyrir liðið án bolta," sagði Mourinho, sem segist nokkuð sáttur við stöðu mála í deildinni þó liðið sé ekki í toppsætinu eins og venjulega.