Staðfestir gæsluvarðhald vegna smygls

Hæstiréttur hefur staðfest gæsluvarðhaldsúrskurð yfir Litháa sem handtekinn var eftir að tæplega sjö kíló af amfetamíni fundust í bíl hans við komu Norrænu til landsins þann 31. ágúst. Gæsluvarðhaldsúrskurðurinn er til 29. september. Efnið var í 26 pakkningum sem faldar höfðu verið víðs vegar um bílinn, meðal annars á bak við mælaborð, ofan á gírkassa og undir teppum í hófum, sem skorin hafi verið í einangrun bifreiðarinnar. Að leitinni að efninu komu fjölmargir lögreglumenn og tollverðir og tveir fíkniefnahundar.