Hefur engar áhyggjur af Shevchenko

Jose Mourinho, stjóri Chelsea, segist styðja Andrei Shevchenko heilshugar í baráttu sinni við að skora fleiri mörk en Úkraínumaðurinn hefur aðeins skorað eitt mark í fyrstu fjórum leikjum liðsins. Það er undir þeirri tölfræði sem vænst var af honum í kjölfarið á 30 milljón punda sölunni frá AC Milan í sumar.

Margir hafa haft á orði að Shevchenko eigi í erfiðleikum með að aðlgast ensku líferni og menningu. Mourinho segir hins vegar að svo sé ekki.

"Hann hefur aðlagast vel. Vandamálið er að hann fann sig ekki gegn Charlton um helgina en það hefur sínar skýringar. Hann spilaði mikilvægan landseik gegn Georgíu á Miðvikudag og við tók síðan langt ferðalag til London. Hann kom kl. 18 á fimmtudag og tveimur sólarhringum síðar áttum við erfiðan leik fyrir höndum. Það var enginn undirbúningur," sagði Portúgalinn.

"Hann er frábær leikmaður með mikla hæfileika. Ég hef engar áhyggjur af honum. Engar," sagði Mourinho að lokum.