Hestamenn og vegfarendur verði á varðbergi

Svokallaður Grafarvogsdagur stendur nú yfir en honum lýkur með flugeldasýningu klukkan 22:00 í kvöld. Í tilkynningu frá lögreglunni segir að vitað sé að hross geti fælst við flugelda og því biður lögreglan í Reykjavík bæði hestamenn og vegfarendur að vera á varðbergi.

"Gott væri ef eigendur hrossa gætu aðgætt að girðingar væru í lagi. Eins þurfa vegfarendur, sem eiga leið um þar sem hestar eru í nágrenninu, að sýna aðgát," segir í tilkynningu lögreglunnar í Reykjavík.