Calderon réttmætur sigurvegari kosninganna

Felipe Calderon tók í gær við skjali frá kosningadómstól Mexíkó sem vottar það að hann sé réttmætur sigurvegari forsetakosninganna sem fram fóru í júlí síðastliðnum. Forseti kosningadómstólsins bað alla Mexíkóa að hætta að deila innbyrðis og brúa gjárnar sem mynduðust í kjölfar forsetakosninganna. Helsti keppinautur Calderons hefur ítrekað sakað hann um kosningasvindl og krafist endurtalningar allra atkvæða. Fylgismenn mótmæltu enn og aftur fyrir utan dómshúsið og hrækti einn þeirra á kyrtil eins dómarans.