Erlendir miðlar sýna afmæli leiðtogafundar áhuga

Von er á stórum hópi erlendra fjölmiðlamanna til landsins í næsta mánuði vegna 20 ára afmælis leiðtogafundar Ronalds Reagans og Míkhaíls Gorbatstjovs hér á landi. Eins og greint hefur verið frá kemur Gorbatsjov til landsins þar sem hann mun flytja hátíðarfyrirlestur í Háskólabíó þann 12. október þegar nákvæmlega 20 ár eru frá fundi leiðtoganna í Höfða. Það er fyrirtækið Concert sem stendur að komu sovétleiðtogans fyrrverandi til landsins. Meðal erlendra miðla sem sýnt hafa afmæli áhuga eru CNN og CBS.