Valgerður Sverrisdóttir utanríkisráðherra hefur ákveðið að veita sem svarar 20 milljónum króna til neyðar- og mannúðaraðstoðar í Darfúr.
Þar af fer annars vegar sex milljón króna styrkur til Hjálparstarfs kirkjunnar vegna hjálparstarfs alþjóðasamtaka kirkna og hins vegar renna 200.000 bandaríkjadalir til neyðaraðstoðar á vegum Matvælaáætlunar Sameinuðu þjóðanna.
