Bónusfjöltefli í Kringlunni

Róbert Harðarson skákmeistari teflir fjöltefli við gesti og gangandi fyrir framan verslun Bónuss í Kringlunni, föstudaginn 28. júlí, milli klukkan 16 og 18. Jafnframt munu Hróksmenn kynna landnám skáklistarinnar á Grænlandi, en þar hefst í næstu viku mikil skákhátíð, fjórða árið í röð. Síðast en ekki síst vilja Hróksmenn þakka Bónus fyrir ómetanlegan stuðning á liðnum árum.

Róbert Harðarson er meðal bestu skákmanna Íslands. Hann sigraði með glæsibrag á III. Alþjóðlega Grænlandsmótinu - Flugfélags Íslandsmótinu 2005, sem haldið var í Tasiilaq.

Hrókurinn hvetur skákáhugamenn á öllum aldri til að leggja leið sína í Kringluna og spreyta sig gegn meistaranum.