Ungur maður kærður fyrir nauðgun

Sextán ára stúlka hefur kært ungan mann fyrir að hafa nauðgað sér í bíl í Reykjavík í nótt og þrjá vini hans fyrir að hafa ekki komið sér til hjálpar, en þeir voru í bílnum.

Hún hafði ásamt vinkonu sinni verið á rúntinum með mönnunum, en eftir að vinkonuninni hafði verið skilað heim, réðst einn á stúlkuna og segir hún að hann hafi komið fram vilja sínum, þrátt fyrir að hún hafi veitt  öfluga mótspyrnu og beðið vini hans um að hjálpa sér.  Að því búnu komst hún  heim til sín og hafði samband við lögreglu, sem flutti hana á bráðamóttöku fyrir fórnarlömb nauðgana, á Landsspítalanum. Skömmu síðar fann lögregla mennina samkvæmt lýsingu stúlkunnar og handtók þá.  Lífsýni voru tekin úr þeim í nótt og er verið að yfirheyra þá. Þeir eru allir útlendingar, en hafa dvalið hér um hríð og hafa nokkrir þeirra komsit í kast við lögin áður.