Tilboð Wigan í Landzaat samþykkt
Enska úrvalsdeildarfélagið Wigan hefur fengið kauptilboð sitt í hollenska landsliðsmanninn Denny Landzaat hjá AZ Alkmaar samþykkt, en á eftir að fá mikla samkeppni frá spænsku bikarmeisturunum Espanyol við að landa honum. Wigan er að leita sér að miðjumanni til að fylla skarð Jimmy Bullard og telur stjóri Wigan að hinn þrítugi Landzaat sé einmitt maðurinn til þess. Landzaat á að baki 21 landsleik fyrir Hollendinga.
