Gefur út nákvæmar lýsingar á ástarlífi þeirra

Söng- og leikkonan Jennifer Lopez stendur í málaferlum við fyrrverandi eiginmann sinn, Ojani Noa, vegna bókar sem hann hyggst gefa út. Samkvæmt málsskjölum inniheldur bókin einkar nákvæmar lýsingar á fyrsta ástarfundi Lopez og Noa. Auk þess heldur Noa því fram í bókinni að Lopez hafi stundað framhjáhald á meðan á hjónabandi þeirra stóð og hafi verið í sambandi við Marc Anthony, núverandi eiginmann sinn, á meðan hann var enn giftur og Lopez í sambandi við P. Diddy. Jennifer Lopez hefur sótt um lögbann á bók fyrsta eiginmanns síns.