Karlmaður stunginn á veitingastað í miðbænum í nótt

Karlmaður á fimmtugsaldri var stunginn með hnífi í kviðinn á veitingastað við Laugaveg um hálftvöleytið í nótt. Maðurinn var fluttur með sjúkrabíl á slysadeild og liggur hann nú á gjörgæslu. Líðan hans mun vera stöðug að sögn vakthafandi læknis og hann mun að öllum líkindum ná sér. Lögregla handtók ungan mann skömmu eftir verknaðinn og verður hann yfirheyrður í dag. Þá verður einnig ákveðið hvort óskað verður eftir gæsluvarðhaldi yfir honum. Tildrög hnífstungunnar eru ókunn.