VOICE er ný útvarpsstöð sem fer í loftið klukkan 09:06 föstudaginn 9.júní. Markhópur stöðvarinnar er 18-35 ára og er útsendingarsvæðið Akureyri og nágrenni.
Í tilefni opnunarinnar verður haldið opnunarhóf á Strikinu á Akureyri klukkan 14:00 þar sem starfsemi stöðvarinnar, dagskrá hennar og starfsfólk kynnt.
Skorað er á alla auglýsendur að mæta og kynna sér nýjar leiðir til að auglýsa á Akureyri.
Klukkan 22:00 um kvöldið verður svo á sama stað, á Strikinu, haldið veglegt opnunarpartý og verður hægt að ná sér í boðsmiða í loftinu á opnunardaginn.
VOICE hefur tengt starfsemi sína við stór fyrirtæki allt fram til áramóta, og er greinilegt að vöntun hefur verið á slíkri starfssemi í bænum.
Stjórnendum stöðvarinnar hefur verið tekið opnum örmum hvert sem þeir hafa leitað, starfsmenn stöðvarinnar eru 12 talsins, en stofnendur stöðvarinnar eru Ásgeir Ólafsson og Árni Már Valmundarson.
