McCartney-hjónin skilin

Bítillinn fyrrverandi, Paul McCartney, og kona hans, Heather Mills, eru að skilja að borði og sæng eftir fjögurra ára hjónaband. Í yfirlýsingu segir að þeim hafi reynst erfitt að viðhalda eðlilegu sambandi vegna mikils ágangs fjölmiðla.

McCartney og Mills eiga eina dóttur, Beatrice, sem er á þriðja ári. Bítillinn kynntist Mills árið 1999 í gegnum góðgerðarsamtök hennar sem hún setti á laggirnar eftir að hún missti annan fótinn í vélhjólaslysi árið 1993. Hjónin hafa kvartað undan áreiti frá fjölmiðlum sem reyna að ná myndum af Mills í hjólastólnum.