Gengi hlutabréfa lækkaði í Kauphöllinni í Tókýó í Japan í dag. Hlutabréf lækkuðu sömuleiðis á öðrum mörkuðum í Asíu.
Nikkei-225 hlutabréfavísitalan lækkaði um 106,79 stig eða 0,61 prósent. Gengi bréfanna hækkaði umtalsvert á föstudag í síðustu viku og hafði ekki verið hærri síðan í júlí árið 2000.
Lækkunin var mest hjá tæknifyrirtækjum á borð við Sony Corp., sem hafa hækkað umtalsvert síðustu daga.
