West Ham leitar hefnda

Leikmenn West Ham hyggja á hefndir í kvöld þegar liðið mætir Bolton í fimmta sinn á leiktíðinni í síðari leik liðanna í enska bikarnum. Fyrri leikur liðanna á Reebok var markalaus, en Bolton hafði betur 4-1 þegar liðin mættust á sama stað í deildinni um síðustu helgi.

"Leikurinn um daginn var skelfilegur hjá okkur og það var ekki gaman að taka þátt í svona stóru tapi. Það er aftur bót í máli að fá tækifæri til að bæta fyrir tapið aðeins nokkrum dögum síðar og við höfum fulla trú á að við getum sigrað í kvöld," sagði Hayden Mullins, leikmaður West Ham.