Fleiri framfaraspor stigin

Framfaraspor verða áfram stigin í þjónustu og rekstri Reykjavíkurborgar næstu árin, sögðu borgarfulltrúar R-listans í bókun við umræður í borgarstjórn um áætlun borgarinnar næstu þrjú árin.

Þar ber hæst að mati borgarfulltrúa R-listans að leikskóladvöl verður gjaldfrjáls haustið 2008 og að kjör lægst launaða starfsfólk borgarinnar verði stórbætt.

Borgarfulltrúar Sjálfstæðisflokksins segja þriggja ára áætlun um rekstur borgarinnar árin 2007 til 2009 marklausa og hvetja til þess að hún sé dregin til baka. Sjálfstæðismenn sögðu í borgarstjórn í dag að áætlunin sýni meiri óskhyggju en raunhæfar áætlanir.