Allardyce má taka við landsliðinu

Stjórnarformaður Bolton segir að ef enska knattspyrnusambandið fælist eftir því að fá Sam Allardyce til að taka við enska landsliðinu, mundi hann ekki standa í vegi fyrir því, en tekur fram að ekki komi til greina að hann fari til annars félags í úrvalsdeildinni.

"Það yrði mikill heiður fyrir hann, félagið og mig sjálfan ef enska knattspyrnusambandið hefði áhuga á að fá Sam til að taka við enska landsliðinu," sagði Phil Gartside, stjórnarformaður Bolton. "Það er hinsvegar á hreinu að hann fer ekki til annars liðs í úrvalsdeildinni," sagði Gartside, en Allardyce hefur verið orðaður við stjórastöðuna hjá Newcastle.