Glíman er erótísk íþrótt 6. nóvember 2006 15:00 Glímukapparnir fá leiðbeiningar frá Grími um hvernig þeir skuli bera sig að. Stuttmyndin Bræðrabylta á vafalítið eftir að vekja mikla athygli þegar hún verður frumsýnd en myndin fjallar um tvo samkynhneigða glímukappa. Þeir Halldór Gylfason og Björn Ingi Hilmarsson leika tvo bændur í afskekktri sveit sem eiga í leynilegu ástarsambandi og sinna því í gegnum íslensku glímuna, tákngervingu karlmennskunnar. Þessi nálgun virðist vera farin að njóta mikilla vinsælda því á síðasta ári var það Brokeback Mountain sem hristi allverulega upp í heimsbyggðinni en þar voru það tveir kúrekar sem féllu fyrir hvor öðrum. Leikstjórinn Grímur Hákonarson upplýsir hins vegar að hann hafi fengið hugmyndina áður en Brokeback kom í kvikmyndahús og þegar tökurnar á myndinni hófust áttaði leikstjórinn sig á því að hún var allt öðruvísi. „Glíman er notuð til að impra svolítið á þessu ástarsambandi,“ útskýrir Grímur. „Íþróttin getur verið svolítið erótísk, búningarnir og dansinn sem er stiginn,“ bætir leikstjórinn við. Að sögn leikstjórans gengur Bræðrabylta mikið út á glímu sem hann segir að sé myndlíking fyrir þjóðerniskennd og þjóðleg gildi. „Glímukeppnin fer fram á Skriðuklaustri sem er jú teiknað af sama arkitekt og á heiðurinn af Arnarhreiðri Hitlers,“ segir Grímur en þær tökur fóru fram í kapellu elliheimilisins Grund sem er jafnframt oft notuð undir íþróttaiðkun heimilisfólksins. Grímur var nýkominn heim frá Kárahnjúkum þar sem síðustu tökur fóru fram. „Annar mannanna vinnur við jarðboranir og Kárahnjúkastífla var eini staðurinn þar sem var verið að bora,“ segir Grímur en tökuliðið var langt ofan í jörðu og aðstæðurnar ekki til að hrópa húrra fyrir. „Þetta var svona eins og Ísarngerði í Hringadróttinssögu eða Mordor, algjört helvíti,“ útskýrir Grímur sem vonast til að frumsýna myndina í Tjarnarbíói í febrúar og senda hana í kjölfarið á kvikmyndahátíðina í Cannes. Menning Mest lesið Hljóp annað maraþon á tánum og minntist Bríetar Irmu Lífið Helgi í Góu minnist Pattýjar og ljóstrar upp um fjölskylduleyndarmál Lífið Hárprúður Eiður heillar Lífið Sagði nei takk við Durex en já við Netflix Lífið Stjörnulífið: „Hógværasti maður á jörðinni“ Lífið Júlíana Sara tekur við af Ásu Ninnu í Bakaríinu Lífið „Guð og karlmenn elska mig“ Lífið Lára og lyfjaprinsinn gáfu dótturinni nafn Lífið Afmælisdagurinn bara „venjulegur dagur“ og á ekki von á gjöfum Lífið Kóngurinn með kveðju til Íslendinga Lífið Fleiri fréttir ACT4 í samstarf við alþjóðlegt kvikmyndaver Saga og Steindi í nýrri gamanþáttaröð Ástin sem eftir er framlag Íslands til Óskarsverðlauna Sopranos-stjarna látin Frumsýning á Vísi: Eldgos, hamfarir og ást í kitlu fyrir Eldana Woody Allen aðalnúmerið hjá Rússum Hlynur Pálmason með þrennu í San Sebastian Sælkerabíó á RIFF: Sjónræn matarveisla á Plöntunni og smakkbíó á Ramen Momo Sannfærði Balta um að snúa aftur Fróði og Gandálfur snúa aftur í leitinni að Gollri Terence Stamp látinn Auglýsa eftir innsendingum til íslensku sjónvarpsverðlaunanna Nýr Rambo fundinn Óvænt nöfn á könnu Köngulóarmannsins Sjá meira
Stuttmyndin Bræðrabylta á vafalítið eftir að vekja mikla athygli þegar hún verður frumsýnd en myndin fjallar um tvo samkynhneigða glímukappa. Þeir Halldór Gylfason og Björn Ingi Hilmarsson leika tvo bændur í afskekktri sveit sem eiga í leynilegu ástarsambandi og sinna því í gegnum íslensku glímuna, tákngervingu karlmennskunnar. Þessi nálgun virðist vera farin að njóta mikilla vinsælda því á síðasta ári var það Brokeback Mountain sem hristi allverulega upp í heimsbyggðinni en þar voru það tveir kúrekar sem féllu fyrir hvor öðrum. Leikstjórinn Grímur Hákonarson upplýsir hins vegar að hann hafi fengið hugmyndina áður en Brokeback kom í kvikmyndahús og þegar tökurnar á myndinni hófust áttaði leikstjórinn sig á því að hún var allt öðruvísi. „Glíman er notuð til að impra svolítið á þessu ástarsambandi,“ útskýrir Grímur. „Íþróttin getur verið svolítið erótísk, búningarnir og dansinn sem er stiginn,“ bætir leikstjórinn við. Að sögn leikstjórans gengur Bræðrabylta mikið út á glímu sem hann segir að sé myndlíking fyrir þjóðerniskennd og þjóðleg gildi. „Glímukeppnin fer fram á Skriðuklaustri sem er jú teiknað af sama arkitekt og á heiðurinn af Arnarhreiðri Hitlers,“ segir Grímur en þær tökur fóru fram í kapellu elliheimilisins Grund sem er jafnframt oft notuð undir íþróttaiðkun heimilisfólksins. Grímur var nýkominn heim frá Kárahnjúkum þar sem síðustu tökur fóru fram. „Annar mannanna vinnur við jarðboranir og Kárahnjúkastífla var eini staðurinn þar sem var verið að bora,“ segir Grímur en tökuliðið var langt ofan í jörðu og aðstæðurnar ekki til að hrópa húrra fyrir. „Þetta var svona eins og Ísarngerði í Hringadróttinssögu eða Mordor, algjört helvíti,“ útskýrir Grímur sem vonast til að frumsýna myndina í Tjarnarbíói í febrúar og senda hana í kjölfarið á kvikmyndahátíðina í Cannes.
Menning Mest lesið Hljóp annað maraþon á tánum og minntist Bríetar Irmu Lífið Helgi í Góu minnist Pattýjar og ljóstrar upp um fjölskylduleyndarmál Lífið Hárprúður Eiður heillar Lífið Sagði nei takk við Durex en já við Netflix Lífið Stjörnulífið: „Hógværasti maður á jörðinni“ Lífið Júlíana Sara tekur við af Ásu Ninnu í Bakaríinu Lífið „Guð og karlmenn elska mig“ Lífið Lára og lyfjaprinsinn gáfu dótturinni nafn Lífið Afmælisdagurinn bara „venjulegur dagur“ og á ekki von á gjöfum Lífið Kóngurinn með kveðju til Íslendinga Lífið Fleiri fréttir ACT4 í samstarf við alþjóðlegt kvikmyndaver Saga og Steindi í nýrri gamanþáttaröð Ástin sem eftir er framlag Íslands til Óskarsverðlauna Sopranos-stjarna látin Frumsýning á Vísi: Eldgos, hamfarir og ást í kitlu fyrir Eldana Woody Allen aðalnúmerið hjá Rússum Hlynur Pálmason með þrennu í San Sebastian Sælkerabíó á RIFF: Sjónræn matarveisla á Plöntunni og smakkbíó á Ramen Momo Sannfærði Balta um að snúa aftur Fróði og Gandálfur snúa aftur í leitinni að Gollri Terence Stamp látinn Auglýsa eftir innsendingum til íslensku sjónvarpsverðlaunanna Nýr Rambo fundinn Óvænt nöfn á könnu Köngulóarmannsins Sjá meira