Hjónin kærðu salernisárásina

Hjónin sem lentu í útistöðum við hóp manna á Café Victor í Hafnarstræti hafa lagt fram kæru hjá lögreglu. Maðurinn kærði líkamsárás en konan kynferðislega áreitni.

Konan var stödd á salerni á neðri hæð staðarins, þegar karlmaður, sem þar var staddur ásamt þremur félögum sínum, ruddist þar inn.

Maður hennar vildi koma henni til hjálpar, en þá upphófust hópslagsmál. Þeim lyktaði með því að tíu karlmenn voru færðir á lögreglustöð og yfirheyrðir. Eiginmaðurinn hlaut nokkra áverka.