Fangar í Hegningarhúsinu við Skólavörðustíg ákváðu í gær að hætta við boðað hungurverkfall sitt. Þeir höfðu krafist þess að ýmsar úrbætur yrðu gerðar á aðstæðum innan fangelsisins.
Talsmaður fanganna sagði í samtali við Fréttablaðið í gær að fangelsismálayfirvöld hefðu komið til móts við þá að hluta til og kvaðst hann ánægður með þá viðleitni sem sýnd hafi verið þó að vissulega hafi ekki verið gengið að öllum kröfum þeirra.
