Brenndist á hálsi og baki

Fernt var flutt á slysadeild á mánudaginn. Fjögurra ára stúlka brenndist á hálsi og herðum á meðan hún var í baði. Hún hafði átt við blöndunartækin án þess að faðir hennar yrði þess var með þessum afleiðingum. Brunasár hennar voru þó minniháttar.

Þá féll maður úr bifreið og hlaut skurð á höfuðið við það.

Annar datt fram fyrir sig þegar hann var á göngu og meiddist sömuleiðis á höfði. Að endingu datt kona á níræðisaldri fram fyrir sig. Hún kvartaði undan eymslum í öxl og var að sögn lögreglu komið undir læknishendur.