Magn seiða sandsílastofns er minna nú en árið 1998 þegar ástand stofnsins var kannað. Mjög lítið sást af eins árs gömlum sílum, sem bendir til þess að hrygning hafi misfarist í fyrra. Ekki er þó hægt að segja til um endurnýjun þessa árs fyrr en á næsta ári.
Þessar niðurstöður komu fram í tveggja vikna rannsóknarleiðangri sem lauk á þriðjudag en í honum var útbreiðsla og ástand sandsílastofna kannað.
Sílið var lítið á ferðinni alls staðar nema við Ingólfshöfða og hélt sig að mestu grafið í sandbotni.
Sílin eru mikilvæg fæða nytjafiska, hvala og sjófugla.
