Eiður Smári samdi við Barcelona 17. júní 2006 08:30 Samheldin fjölskylda. Fortíð, nútíð og jafnvel framtíð íslenskrar knattspyrnu er hér saman komin eftir blaðamannafund landsliðsfyrirliðans Eiðs Smára Guðjohnsen. Arnór Guðjohnsen, faðir Eiðs Smára, stendur hér lengst til vinstri og virðir fyrir sér Daníel Tristan Guðjohnsen í faðmi móður sinnar, Ragnhildar Sveinsdóttur. Fyrir miðju eru þeir feðgar Sveinn Aron og Eiður Smári. MYND/GVA Eiður Smári er fremsti íþróttamaður Íslendinga í dag. Hann fæddist 5. september árið 1978 og verður því 28 ára gamall síðar á árinu. Eiður er af mikilli knattspyrnufjölskyldu kominn en faðir hans, og nú umboðsmaður, er Arnór Guðjohnsen, einn fremsti knattspyrnumaður Íslands í áraraðir. Arnór átti farsælan feril, þá helst hjá Anderlecht í Belgíu. Móðir Eiðs heitir Ólöf Einarsdóttir. Eiður fæddist í Reykjavík en ólst að hluta til upp í Belgíu þar sem hann sást varla án þess að hafa fótbolta við hönd. Hann æfði með drengjaliðinu Brussegemi og fór strax að sýna undraverða hæfileika með knöttinn. Eiður var markaskorari mikill og Arnór lýsti því yfir að hann dreymdi um að spila með Eiði. Það gerðist þó aldrei. Fyrsta lið Eiðs Smára á Íslandi var ÍR en hann færði sig um set til Vals þegar hann var fjórtán ára gamall og ári síðar byrjaði hann að spila með meistaraflokki félagsins. Eiður var 15 ára og 250 daga gamall þegar hann lék fyrsta leik sinn í efstu deild á Íslandi, þann 23. maí 1994. Hann varð þar með yngsti leikmaður til að spila í efstu deild og var valinn efnilegasti leikmaður Íslandsmótsins það ár. Barcelona var eitt af liðunum sem sýndi Eiði Smára áhuga þegar hann var 16 ára en hann kaus að ganga til liðs við PSV Eindhoven í Hollandi. Eiður komst fljótlega í aðallið stórliðsins og skoraði sitt fyrsta mark í öðrum leik sínum með PSV. Aðalframherji PSV á þeim tíma var Brasilíumaðurinn Ronaldo sem nú leikur með Real Madrid og stendur í ströngu með heimsmeisturum Brasilíu á HM í Þýskalandi. Draumur þeirra feðga um að spila saman var nálægt því að rætast þann 24. apríl 1996 þegar þeir voru báðir valdir í íslenska landsliðið sem lék gegn Eistum í Tallin. Þá hafði dreymt um að spila saman en Arnór var kallaður af velli fyrir Eið og því spiluðu þeir aldrei saman. Stuttu síðar gerðist afdrifaríkt atvik sem átti eftir að hafa mikil áhrif á feril Eiðs. Hann var þá í leik með íslenska ungmennalandsliðinu sem mætti Írum, í leik sem Eiði var bannað af spila af PSV. Eiður Smári meiddist í leiknum eftir slæma tæklingu og eftir ítarlega skoðun kom í ljós að hann var ökklabrotinn og með slitin liðbönd. Eiður Smári fór í fjölda aðgerða vegna meiðslanna og var frá í tvö ár. Eiður gekk til liðs við KR árið 1998 en lék aðeins sex leiki með liðinu og verður það seint talinn frægðartími á hans ferli. Eiði Smára hafði þó verið boðið út til æfinga með enska liðinu Bolton en þá voru bæði Guðni Bergsson og Arnar Gunnlaugsson hjá 1. deildarfélaginu á Englandi. Fljótlega náði Eiður upp góðu leikformi og stóð sig ágætlega á tímabilinu með Bolton. Á næsta tímabili var svo komið að Eiði Smára að skína. Hann stóð sig frábærlega og skoraði tuttugu mörk fyrir Bolton í öllum keppnum. Þrátt fyrir að vera meðal bestu manna liðsins neyddist félagið til að selja Eið eftir aðeins tvö tímabil, þar af nánast aðeins eitt þar sem hann gat spilað af fullum krafti. Enska úrvalsdeildarliðið Chelsea festi kaup á Eiði Smára fyrir 4 milljónir punda og gerði hann fimm ára samning við félagið sem var stýrt af Ítalanum Gianluca Vialli. Chelsea var stórt lið á enskan mælikvarða en ekki nálægt því sem það er í dag. Eiður spilaði sinn fyrsta leik fyrir félagið gegn Manchester United og vann þegar sinn fyrsta titil með félaginu. Claudio Ranieri tók fljótlega við af landa sínum en það breytti stöðu Eiðs ekki mikið. Eiður spilaði mikið fyrir Chelsea og skoraði þrettán mörk á tímabilinu. Svipað og gerðist hjá Bolton sló Eiður svo í gegn á sinni annarri leiktíð. Hann náði vel saman með Jimmy Floyd Hasselbaink í sókninni þar sem þeir töluðu oft á tíðum saman á hollensku til að rugla varnir andstæðinganna. Eiður skoraði 24 mörk á sínu besta tímabili með Chelsea. Næsta tímabil hrjáðu meiðsli Íslendinginn sem skoraði tíu mörk í mun færri leikjum en hann spilaði árið áður. Chelsea var mjög illa statt fjárhagslega en náði þó með naumindum að vinna sér inn sæti í Meistaradeild Evrópu á tímabilinu 2003-2004. Sumarið 2003 keypti milljarðamæringurinn Roman Abramovich svo félagið og breytti þar með knattspyrnuheiminum. Með innkomu allra þeirra peninga sem Abamovich hafði yfir að ráða gat Chelsea keypt nánast hvaða leikmann sem þeir vildu. Eiður Smári fór þó ekki frá liðinu eins og margir leikmenn og enn meiri breytingar voru gerðar árið 2004 þegar Jose Mourinho tók við liðinu. Eiður Smári hélt þó alltaf sæti sínu annað en margir sem hurfu á braut. Á tímabilinu 2004-2005 skoraði Eiður Smári sextán mörk, mörg hver mjög mikilvæg, en hann var þó ekki fastur byrjunarliðsmaður. Samkeppnin um stöður í Chelsea liðinu var gríðarlega hörð en Eiður náði samt alltaf að skora sín mörk og fyrir það var hann mikils metinn hjá stuðningsmönnum Chelsea sem varð Englandsmeistari á tímabilinu. Á tímabilinu 2005-2006 fékk Eiður svo nýtt hlutverk hjá Jose Mourinho þegar hann var færður aftar á völlinn, á miðjuna. Það sýndi sig strax í því að Eiður skoraði mun minna en hann náði aðeins að skora þrjú mörk á tímabilinu, tvö í deildinni og eitt í bikarkeppninni. Hann hefur aldrei skorað jafn fá mörk á einu tímabili og nú. Eitt helsta vopn Eiðs er útsjónarsemi hans og auga fyrir spili. Auk þess kemur hann boltanum mjög vel frá sér og nýttist þessi hæfileiki hans mjög vel á miðjunni en hann lagði upp mörg mörk en náði ekki frekar en fyrri daginn að vinna sér inn fast sæti í byrjunarliðinu. Enski boltinn Erlendar Fótbolti Innlendar Íþróttir Spænski boltinn Mest lesið „Ég var mjög leið og bara ótrúlega vonsvikin“ Sport Arnari gekk illa að ná í þunna Víkinga Íslenski boltinn Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn „Getum eyðilagt drauma Úkraínu á morgun“ Fótbolti Sir Jim Ratcliffe: Amorim þarf þrjú ár til að sanna sig Enski boltinn Gæti lamast eftir árekstur við auglýsingaskilti Fótbolti Svona var blaðamannafundur KSÍ fyrir leikinn gegn Úkraínu Fótbolti Rifust um olnbogaskot Drungilas Körfubolti Fleiri fréttir „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum „Særði fólk mikið með því að fara til Sádi-Arabíu“ Cristiano Ronaldo: Fjölskyldan biður mig um að hætta Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Sjá meira
Eiður Smári er fremsti íþróttamaður Íslendinga í dag. Hann fæddist 5. september árið 1978 og verður því 28 ára gamall síðar á árinu. Eiður er af mikilli knattspyrnufjölskyldu kominn en faðir hans, og nú umboðsmaður, er Arnór Guðjohnsen, einn fremsti knattspyrnumaður Íslands í áraraðir. Arnór átti farsælan feril, þá helst hjá Anderlecht í Belgíu. Móðir Eiðs heitir Ólöf Einarsdóttir. Eiður fæddist í Reykjavík en ólst að hluta til upp í Belgíu þar sem hann sást varla án þess að hafa fótbolta við hönd. Hann æfði með drengjaliðinu Brussegemi og fór strax að sýna undraverða hæfileika með knöttinn. Eiður var markaskorari mikill og Arnór lýsti því yfir að hann dreymdi um að spila með Eiði. Það gerðist þó aldrei. Fyrsta lið Eiðs Smára á Íslandi var ÍR en hann færði sig um set til Vals þegar hann var fjórtán ára gamall og ári síðar byrjaði hann að spila með meistaraflokki félagsins. Eiður var 15 ára og 250 daga gamall þegar hann lék fyrsta leik sinn í efstu deild á Íslandi, þann 23. maí 1994. Hann varð þar með yngsti leikmaður til að spila í efstu deild og var valinn efnilegasti leikmaður Íslandsmótsins það ár. Barcelona var eitt af liðunum sem sýndi Eiði Smára áhuga þegar hann var 16 ára en hann kaus að ganga til liðs við PSV Eindhoven í Hollandi. Eiður komst fljótlega í aðallið stórliðsins og skoraði sitt fyrsta mark í öðrum leik sínum með PSV. Aðalframherji PSV á þeim tíma var Brasilíumaðurinn Ronaldo sem nú leikur með Real Madrid og stendur í ströngu með heimsmeisturum Brasilíu á HM í Þýskalandi. Draumur þeirra feðga um að spila saman var nálægt því að rætast þann 24. apríl 1996 þegar þeir voru báðir valdir í íslenska landsliðið sem lék gegn Eistum í Tallin. Þá hafði dreymt um að spila saman en Arnór var kallaður af velli fyrir Eið og því spiluðu þeir aldrei saman. Stuttu síðar gerðist afdrifaríkt atvik sem átti eftir að hafa mikil áhrif á feril Eiðs. Hann var þá í leik með íslenska ungmennalandsliðinu sem mætti Írum, í leik sem Eiði var bannað af spila af PSV. Eiður Smári meiddist í leiknum eftir slæma tæklingu og eftir ítarlega skoðun kom í ljós að hann var ökklabrotinn og með slitin liðbönd. Eiður Smári fór í fjölda aðgerða vegna meiðslanna og var frá í tvö ár. Eiður gekk til liðs við KR árið 1998 en lék aðeins sex leiki með liðinu og verður það seint talinn frægðartími á hans ferli. Eiði Smára hafði þó verið boðið út til æfinga með enska liðinu Bolton en þá voru bæði Guðni Bergsson og Arnar Gunnlaugsson hjá 1. deildarfélaginu á Englandi. Fljótlega náði Eiður upp góðu leikformi og stóð sig ágætlega á tímabilinu með Bolton. Á næsta tímabili var svo komið að Eiði Smára að skína. Hann stóð sig frábærlega og skoraði tuttugu mörk fyrir Bolton í öllum keppnum. Þrátt fyrir að vera meðal bestu manna liðsins neyddist félagið til að selja Eið eftir aðeins tvö tímabil, þar af nánast aðeins eitt þar sem hann gat spilað af fullum krafti. Enska úrvalsdeildarliðið Chelsea festi kaup á Eiði Smára fyrir 4 milljónir punda og gerði hann fimm ára samning við félagið sem var stýrt af Ítalanum Gianluca Vialli. Chelsea var stórt lið á enskan mælikvarða en ekki nálægt því sem það er í dag. Eiður spilaði sinn fyrsta leik fyrir félagið gegn Manchester United og vann þegar sinn fyrsta titil með félaginu. Claudio Ranieri tók fljótlega við af landa sínum en það breytti stöðu Eiðs ekki mikið. Eiður spilaði mikið fyrir Chelsea og skoraði þrettán mörk á tímabilinu. Svipað og gerðist hjá Bolton sló Eiður svo í gegn á sinni annarri leiktíð. Hann náði vel saman með Jimmy Floyd Hasselbaink í sókninni þar sem þeir töluðu oft á tíðum saman á hollensku til að rugla varnir andstæðinganna. Eiður skoraði 24 mörk á sínu besta tímabili með Chelsea. Næsta tímabil hrjáðu meiðsli Íslendinginn sem skoraði tíu mörk í mun færri leikjum en hann spilaði árið áður. Chelsea var mjög illa statt fjárhagslega en náði þó með naumindum að vinna sér inn sæti í Meistaradeild Evrópu á tímabilinu 2003-2004. Sumarið 2003 keypti milljarðamæringurinn Roman Abramovich svo félagið og breytti þar með knattspyrnuheiminum. Með innkomu allra þeirra peninga sem Abamovich hafði yfir að ráða gat Chelsea keypt nánast hvaða leikmann sem þeir vildu. Eiður Smári fór þó ekki frá liðinu eins og margir leikmenn og enn meiri breytingar voru gerðar árið 2004 þegar Jose Mourinho tók við liðinu. Eiður Smári hélt þó alltaf sæti sínu annað en margir sem hurfu á braut. Á tímabilinu 2004-2005 skoraði Eiður Smári sextán mörk, mörg hver mjög mikilvæg, en hann var þó ekki fastur byrjunarliðsmaður. Samkeppnin um stöður í Chelsea liðinu var gríðarlega hörð en Eiður náði samt alltaf að skora sín mörk og fyrir það var hann mikils metinn hjá stuðningsmönnum Chelsea sem varð Englandsmeistari á tímabilinu. Á tímabilinu 2005-2006 fékk Eiður svo nýtt hlutverk hjá Jose Mourinho þegar hann var færður aftar á völlinn, á miðjuna. Það sýndi sig strax í því að Eiður skoraði mun minna en hann náði aðeins að skora þrjú mörk á tímabilinu, tvö í deildinni og eitt í bikarkeppninni. Hann hefur aldrei skorað jafn fá mörk á einu tímabili og nú. Eitt helsta vopn Eiðs er útsjónarsemi hans og auga fyrir spili. Auk þess kemur hann boltanum mjög vel frá sér og nýttist þessi hæfileiki hans mjög vel á miðjunni en hann lagði upp mörg mörk en náði ekki frekar en fyrri daginn að vinna sér inn fast sæti í byrjunarliðinu.
Enski boltinn Erlendar Fótbolti Innlendar Íþróttir Spænski boltinn Mest lesið „Ég var mjög leið og bara ótrúlega vonsvikin“ Sport Arnari gekk illa að ná í þunna Víkinga Íslenski boltinn Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn „Getum eyðilagt drauma Úkraínu á morgun“ Fótbolti Sir Jim Ratcliffe: Amorim þarf þrjú ár til að sanna sig Enski boltinn Gæti lamast eftir árekstur við auglýsingaskilti Fótbolti Svona var blaðamannafundur KSÍ fyrir leikinn gegn Úkraínu Fótbolti Rifust um olnbogaskot Drungilas Körfubolti Fleiri fréttir „Ætti að bera meiri virðingu fyrir peningunum sem hann þénar“ Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum „Særði fólk mikið með því að fara til Sádi-Arabíu“ Cristiano Ronaldo: Fjölskyldan biður mig um að hætta Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Sjá meira