Tveir leikir í kvöld

Þór bar sigurorð af Víkingi/Fjölni á Akureyri í DHL deild karla í kvöld 31-26. Þá sigruðu Haukastúlkur Gróttu á Ásvöllum í hörkuleik 23-22 og lyftu sér í annað sæti deildarinnar.

Þórsarar höfðu yfirhöndina allan leikinn fyrir norðan í kvöld og sigruðu að lokum með fimm marka mun. Aigars Lazardins var markahæstur í liði Þórs með 9 mörk, en Sveinn Þorgeirsson skoraði mest Víkinga, 11 mörk.

Hanna G. Stefánsdóttir var markahæst í liði Hauka gegn Gróttu og skoraði 6 mörk, en hjá Gróttu skoraði Gerður Einarsdóttir 8 mörk.