Pardew í samningaviðræðum

Alan Pardew, stjóri West Ham í ensku úrvalsdeildinni, er nú í samningaviðræðum við félagið um framlengingu á samningi sínum. Pardew hefur verið við stjórnvölinn hjá liðinu í tvö ár og fastlega er búist við að hann skrifi brátt undir nýjan samning. Efasemdaraddir um ágæti hans í stjórastólnum hjá West Ham hafa að mestu leiti þagnað í haust eftir að liðið hefur byrjað prýðilega í úrvalsdeildinni og hefur ekki tapað í fimm leikjum í röð. "Staða mín hér hjá West Ham er einföld, mér líður vel hérna og vil halda áfram, þannig að ég vona bara að þessi samningamál leysist sem fyrst," sagði Pardew.