Kemst ekki inn á lokamótið

Birgir Leifur Hafþórsson, kylfingur úr GKG, tekur ekki þátt í lokamótinu á Áskorendamótaröðinni í golfi sem hefst á Tenerife á Kanaríeyjum á morgun. Ástæðan er sú að mótið er sameiginlegt fyrir evrópsku mótaröðina og Áskorendamótaröðina og fleiri kylfingar ofar á styrkleikalistanum sem ganga fyrir en Birgir Leifur er fimmtándi á varalista. Birgir Leifur tekur næst þátt í öðru stigi fyrir evrópsku mótaröðina í næsta mánuði á Spáni en hann var aðeins einu höggi frá því að tryggja sér fullan þátttökurétt inn á evrópsku mótaröðina í fyrra.