Honda íhugar að vera með tvö lið

Forráðamenn Honda íhuga nú að vera með tvö lið í Formúlu 1 á næsta keppnistímabili og því gæti svo farið að liðin yrðu ellefu á næsta tímabili. Honda á í viðræðum við ónafngreinda aðila um að tefla fram öðru liði undir merkjum bílaframleiðandans, sem ætlar sér stóra hluti í framtíðinni. Japanska félagið, sem á einnig BAR-liðið, hefur í huga að skaffa nýja liðinu vélar og þekkingu á næsta tímabili. "Það þarf mikið til að þetta gangi upp, en menn stefna að því að keyra þetta í gegn," sagði Nick Fry, stjóri BAR, en talið er víst að Takuma Sato verði annar aðalökumanna nýja liðsins ef samningar ná fram að ganga.