Sigurmark Fram á lokasekúndunum

Framarar unnu nauman sigur á Fylki nú síðdegis, 30-29 og eru enn með fullt hús stiga í DHL deild karla í handbolta að loknum 5 leikjum. Jóhann Gunnnar Einarsson skoraði sigurmark Fram 18 sekúndur voru eftir af leiknum en Fylkismenn höfðu forystu meiri hlutann af seinni hálfleik og voru á tímabili 5 mörkum yfir. Heimir Örn Árnason var markahæstur Fylkismanna með 12 mörk en Sergiy Serenko skoraði mest Framara eða 7 mörk. Víkingur/Fjölnir og KA gerðu jafntefli í 60 marka leik, 30-30. Staðan í hálfleik var 15-18 fyrir KA. Sverrir Hermannsson var markahæstur heimamanna með 8 mörk og þeir Sveinn Þorgeirsson og Árni Björn Þórarinsson gerðu 5 mörk hvor. Jón Árni Traustason varði 20 skot í markinu. Hjá KA var Ragnar Snær Njálsson markahæstur með 7 mörkog Jónatan Magnússon gerði 6 mörk. Afturelding tapaði heima fyrir Þór Akureyri, 23-30. Rúnar Sigtryggsson var markahæstur gestanna með 8 mörk og Aigars Lazdins sjö. Hjá Aftureldingu var Hilmar Stefánsson markahæstur með 7 mörk og Ernir Hrafn Anarson með 6.