Fimm stútar teknir í nótt

Fimm voru teknir fyrir ölvunarakstur í Reykjavík í nótt og reyndu tveir þeirra að stinga lögreglu af. Annar gaf í þegar lögregla gaf honum merki um að stöðva og ók ítrekað gegn rauðu ljósi á Kringlumýrarbraut. Að lokum flúði hann úr bílnum og þurfti lögregla að hlaupa hann uppi. Hinn ökuþórinn, sem reyndi að komast undan, var með sex farþega í bílnum og var einn þeirra í farangursgeymslunni. Ferð bílsins endaði upp á umferðareyju á gatnamótum Laugavegar og Kringumýrarbrautar. Einn farþeganna kenndi eymsla í baki.